گادتب: دئمک اولار هامی بیلیرکی ائرمنیلرین تجاوزکارلیقلارینین آرخاسیندا روسیه و اولارین منطقه اولان تایتوشلاری دایانیب. تورکیهنین آغدنیز و قوزئی آفریقادا تایسیز گوج و حاضیرلیغینا چارهسیز قالان روسیه، تورکیهنی چکیب قافقاز منطقهسینده گیرفتار ائتمک فیکیرینه دوشوب.
روسلار تورکیهنین، آزربایجانی چتین دوروملاردا یالنیز بوراخمادیقلارینی بیلرهک ماشالاری اولان ائرمنی حاکمیتین، آزربایجانی قاپدیرماق اوچون قوشقوردورلار. اوز عالملرینده بئلهلیکله ترکیهنین قوهلرین قافقازدا تلهیه سالماق ایستیرلر.
اما روسلارین گؤزلری بیر سیرا واقعیتلری گؤرسهده، بیر سیرانی گؤرهبیلمیر.
تورکیه، آزربایجانی یالنیز بوراخماز، دوغرودو. تورکیه حتی حربی قوهلریله آزربایجانین کؤمکگینه گلر، بودا دوغرودو.
اما روسلارین گوزلرینین گؤرهبیلمدیگی واقعیت بودور، بوردا چوخ جمیعتلی تورک اینسانلاری وار کی یوز ایلدن آرتیقدی ملی حاقلاریندان محروم قالیبلار و آغیر پتانسیاللی، ییغیشیب قالمیش تاریخی اعتراض و عمل گوجلری وار. بو گوجون آزاد اولماغینا بیر قیویرجیم یئتر. او قیویرجیم قاراباغ ساواشینین یئنیدن آلاولانماسی، تورکیه و روسیهنین بو ساواشا مستقیم گیریشلری اولابیلر.
بو انرژی پاتلارسا، تورک دونیاسینین آیری یاتمیش قوهلرینیده اویاندیرابیلر. اوندا قوزئی آفریقا، آغدنیز، سوریه و ساییر جبههلرده تورک قوهلرینین چیخیشی ایندیکیندن چوخ چوخ گوجلو اولار. اوندا قفقاز ساواشی تورکلرین قوزئی آفریقا و سوریهده کی قوهلرینه، قان آخیردان دامار یوخ، بلکه قان پمپاژلایان دامار اولابیلر.
روسلارین و تایتوشلارینین گؤزو بو گرچهیی گؤرهبیلمیر. بلکهده الله طرفیندن تورک و آزربایجان دوشمانلارینین گؤزو باغلانیب.
حسن ارک