ادتاج اتحادیه دمکراتیک ترک آذربایجان جنوبی
گادتب: 31 يانوار آذربايجان تورک ميلتينين داحی اؤندري، آذربايجان خالق جمهوريتينين بانيسي، بؤيوک تورکچو، ايجتيماعي خاديم و دؤولت خادیمی محمد امين رسولزاده نين دوغوم گونودور. محمد امين رسولزاده 1884-جو ايل يانوارين 31-ده باکينين نووخاني کندينده آنادان اولموشدور.
محمد امین رسولزاده تورک دونياسيندا ايلک دموکراتيک پارلامئنتلي رئسپوبليکا اولان آذربايجان خالق جمهوريتينين قوروجوسودور. بو گون مستقیل آذربايجان رئسپوبليکاسی صیرف آذربايجان خالق جمهوريتينين واریثیدیر.
آذربايجان خالق جمهوريتينين جمعي 23 آی عؤمور سورمه‌سينه و قيزيل اوردونون آذربايجانی ايشغال ائتمه‌سي نتيجه‌سينده سقوتا اوغراماسينا باخماياراق، محمد امین رسولزاده نين قوردوغو دموکراتيک آذربايجان دؤولتي اينسانلارا چوخ بؤيوک حوقوق و آزادليقلار وئرميشدي. اينسانلارين برابرليگي پرينسيپلرينه اساسلانان آذربايجان خالق جمهوريتي هله غربده بئله قادينلارين سئچمک و سئچيلمک حقوقو اولماديغي بير واختدا قادينلارا بو حقوقو وئرميشدي.
آذربايجان خالق جمهوريتي قيسا مدت عرضينده دؤيوش قابيللييتينه ماليک آذربايجان اوردوسونو تشکيل ائمیش، دؤولت قوروجولوغونون بوتون ساحه لرينده ثمره لي ايش آپارميش، يئني، ميللي طلبلره و دموکراتيک پرينسيپلره اويغون اولان دؤولت اورقانلاري قورولموشدو. موستقيل آذربايجانين بايراغي، هيمني و ديگر دؤولت آتريبوتلاري آذربايجان خالق جمهوريتينده قبول ائديلميش، آذربايجانين تاريخينده ايلک اونيوئرسيتئت – باکي دؤولت اونيوئرسيتئتي ياراديلميش، تحصيلين ميلليلشديريلمه‌سي، يئني تدريس مؤسيسه‌لرينين آچيلماسي ساحه سينده آذربايجان تورک ميلتينين سونراکي مدني ترقيسي اوچون اساسلي زمينه چئوريلن بير سيرا اؤنملي ايشلر گؤرولموشدور. محمد امین بَی رسولزاده آذربایجان تورک میللتینین معاصر دؤور دولتچیلیگینین و دؤلتی نین بانیسیدیر.
گونئی آذربایجان دموکراتیک تورک بیرلیگی (گادتب) مستقیل آذربایجان رئسپوبلیکاسینی محمد امین رسولزاده‌نین قوردوغو آذربایجان خالق جمهوریتی‌نین واریسی کیمی تکجه قوزئیلی سویداشلاریمیزین دئییل، بوتون دونیا آذربایجانلی‌لارینین دؤولتی حساب ائدیر. بو دؤولت گونئی آذربایجاندا مستقیل آذربایجان دؤولتینین و عمومیتله بوتؤو آذربایجانین یارانماسی اوچون دایاق نقطه‌سی، ایدئیا قایناغی‌دیر. گادتب گونئییمیزین میللی قورتولوشونو یالنیز و یالنیز ایستیقلال و جمهوریت ایداره اصولوندا گؤروب آذربایجان خالق جمهوریتینی اؤزونه نمونه حساب ائدیر، محمد امین رسولزاده‌نین تورکچولوک ایدئال‌لارینا صداقتله گونئی آذربایجانین موستقیللیگی و بؤتوو آذربایجانین یارانماسی اوغروندا فعالیت گؤسترمه یی اؤزونه شرف بیلیر.
اژدر تقی زاده
گونئي آذربايجان دئموکراتيک تورک بيرليگينین (گادتب) باشقانی
