Bazar ertəsi , Noyabr 30 2020
azfa

Türk əsgərləri ən qısa zamanda Azərbaycana gedəcək

GADTB-nin Mətbuat Mərkəzinə daxil olan məlumata görə, “Ən qısa zamanda Türk əsgərləri Azərbaycandakı vəzifələrinin icrasına başlayacaq”.

Bunu Türkiyənin milli müdafiə naziri Hulusi Akar bildirib.

“Quru qoşunlarımız hazırlıq işlərini başa çatdırdı. Onların nəqli üçün Hərbi Hava Qüvvələrimiz də hazır vəziyyətdədir”, – o qeyd edib.

Azərbaycan Silahlı Qüvvələri 30 ilə yaxın bir müddət ərzində Ermənistanın işğalı altında qalan torpaqlarını geri almaqla böyük bir uğura imza atdığını deyən H.Akar Qarabağla bağlı razılşamaya əsasən, Rusiya ilə görüşlər keçirdiklərini söyləyib:

“Azərbaycanlı qardaşlarımızın bütün hüquq və mənafelərinin qorunması üçün nə lazımdırsa, onu etmişik və edəcəyik. Azərbaycanla bağlı məclisdə qanun layihəsi qəbul olundu. Hazırlıqlarımız tamamlandı”.

Bəzi Qərb siyasətçilərinin “Azərbaycan Ordusu Qarabağı yandırıb-yaxdı” kimi açıqlamalarına reaksiya verən Akar bunları həqiqətdən uzaq və tamamilə yanlış dəyərləndirmə adlandırıb: “Orada Azərbaycan Ordusu beynəlxalq hüquqa zidd heç bir şey etməyib. Əsl həqiqətdə etdikləri 30 ildir işğal altında qalan torpaqlarını azad etməkdən ibarətdir. Bunu da hər kəs bilsin. Azərbaycan Ordusunu suçlamaq kimi xətaya yol verməmələri lazımdır. Azərbaycan Ordusunu “yandırıb-yaxmaq”da suçlamaq həqiqətən də böyük nadanlıq və yanlışlıqdır. İnsanın öz Vətənini qoruması, işğal altındakı topraqlarını azad etməsi müqəddəs vəzifədir. Azərbaycan Ordusu da məhz bunu edir. Ermənistan ordusu isə bütün dünyanın gözü qarşısında çox açıq formada, göz görə-görə Azərbaycan ərazilərini, şəhərlərini bombalayıb. Bütün dünya bunu görsə də, bəziləri hələ də kor və kardır. Onların müasirlikdən, insan haqlarından, demokratiyadan, neytrallıqdan bəhs etmələri əsla mümkünsüzdür”.

Həmçinin yoxlayın

Türkiyə SOM qanadlı raketlərinin sınaqlarını tamamladı

GADTB-nin Mətbuat Mərkəzinə daxil olan məlumata görə, SOM qanadlı raketlərinin milli səviyyədə bütün sınaqları tamamlanıb. …

Koronavirusla bağlı azərbaycanlı fəallar Behnam Şeyxi və Həmid Mənafinin məzuniyyət müddətləri uzadılıb

GADTB-nin Mətbuat Mərkəzinə daxil olan məlumata görə, koronavirusla bağlı azərbaycanlı milli-mədəni fəallar Behnam Şeyxi və …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir