Çərşənbə axşamı , Aprel 23 2019
azfa

Türkiyə mütəxəssisləri “S-400”-lər üçün ilk öncə Azərbaycanda təlim keçəcək

GADTB-nin Mətbuat Mərkəzinə daxil olan məlumata görə, Türkiyənin Rusiyadan alacağı “S-400” zenit-raket komplekslərinin öyrənilməsi üçün Rusiyaya göndəriləcək heyət ilk olaraq Azərbaycana gələcək.

Təlim-tədris proqramında iştirak edəcək təxminən 100 nəfərdən ibarət heyət Azərbaycan Silahlı Qüvvələrinin arsenalında olan “S-300 PMU2” zenit-raket sistemlərini araşdıracaq və yazın sonunda Rusiyaya gedəcək.

Qeyd edək ki, “S-400” komplekslərinin çatdırılma haqqında Rusiya-Türkiyə müqaviləsi 2017-ci ildə bağlanıb. 2,5 milyard dollarlıq müqavllə çərçivəsində Türkiyəyə 4 “S-400” divizionu çatdırılacaq.

Vaşinqton dəfələrlə xəbərdarlıq edib ki, “S-400”-lərin alınması qabaqcıl texnologiyaların və “F-35” qırıcıların Türkiyəyə satışının və Ankaranın “F-35” proqramında iştirakının dayandırmasına gətirib çıxara bilər.

Öz növbəsində, Türkiyə tərəfi bildirib ki, hətta “Patriot” sistemlərin alınması halında belə, “S-400”-lərdən imtina etməyə hazırlaşmır, çünki, bu mövzular bir-biri ilə əlaqəli deyil.

Türkiyənin müdafiə naziri Hulisi Akar ötən həftə bildirib ki, Türkiyədə “S-400” zenit-raket sistemlərinin yerləşdirilməsi prosesi bu ilin oktyabrında başlanacaq. Hərbi idarənin başçısı həmçinin qeyd edib ki, Ankara və Vaşinqton “Patriot” sistemlərinin mümkün çatdırılması haqqında danışıqları davam etdirir.

 

Həmçinin yoxlayın

Rusiya İşğalçı Ermənistana modern qırıcılar yerləşdirir

GADTB-nin Mətbuat Mərkəzinə daxil olan məlumata görə, Rusiya Ermənistanın Erebuni aerodromundakı 3624 saylı aviasiya bazasına …

İrqçi fars rejim azərbaycanlı fəal Səhənd Məaliyə 10 aylıq həbs cəzasını təsdiqlədi

GADTB-nin Mətbuat Mərkəzinə daxil olan məlumata görə, İrqçi fars rejim azərbaycanlı milli-mədəni fəal Səhənd Məaliyə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir