Çərşənbə , Fevral 21 2024
azfa

Ərdəbildə rejimin azərbaycanlı uşaqlara türkcə ad qadağasına qarşı divarlara şüarlar yazılıb

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində azərbaycanlı milli fəallar rejimin azərbaycanlı uşaqlara türkcə ad verilməsinə tətbiq etdiyi qadağalara etiraz olaraq Ərdəbil şəhərinin divarlarına şüarlar yazıblar.

Azərbaycanlı fəallar rejimin bu antitürk əməlinə etiraz məqsədilə şəhərin müxtəlif küçə və məhəllələrində divarlara “Sistemli irqçiliyə son!”, “Şovinist düşüncəyə yox!”, “Övladıma hökumət ad seçə bilməz!”, “İrqçiliyə ar olsun!”, “Uşağa ad vermə hüququ təmin olunmalıdır!”, “Mənim adım Ayıl!” və s. belə şüarlar yazaraq irqçi fars rejimin Azərbaycana qarşı irqçi və şovinist siyasətinə etiraz ediblər.

Qeyd edək ki, irqçi fars rejim Güney Azərbaycanın Ərdəbil şəhərində valideynlərinin “Ayıl” adı seçdiyi qıza 2 aydır şəxsiyyət vəsiqəsi verməkdən imtina ediblər.

Köpənin atası azərbaycanlı milli-mədəni fəal Səccad Colani bununla bağlı keçən həftə Ərdəbilin Vətəndaş Vəziyyətinin Qeydiyyat İdarəsinin qarşısında çəkdiyi videoda bildirmişdir ki, idarənin məsulları ona Ayıl adına şəxsiyyət vəsiqəsi verilməsi üçün Tehrandan icazə verilməli olduğunu bildiriblər.

Həmçinin yoxlayın

Molla rejimin həbs etdiyi daha bir azərbaycanlı fəalın kimliyi məlum oldu

GADTB-nin Mətbuat Mərkəzinə daxil olan məlumata görə, son həbs dalğasında irqçi fars-molla rejimin həbs etdiyi …

Kimlik Qalamız, Anadilimiz; Muğanda Beynəlxalq Ana Dili Günü ilə bağlı türkcə kitablar paylandı

GADTB: Güney Azərbaycanın Muğan bölgəsinin Parsabad şəhərində Azərbaycan Milli Hərəkatının bir qrup fəalı dünən Beynəlxalq …

Bir cavab yazın