Cümə , İyun 20 2025
azfa

Ərdəbilli fəallar Heyran gədiyinin Gilan vilayətinə ilhaqına etiraz ediblər – Video

GADTB-nin Mətbuat Mərkəzinə daxil olan məlumata görə, bir qrup ərdəbilli fəal Heyran gədiyinin zibillərini təmizləməklə Azərbaycanın bu bölgəsinin Gilan vilayətinə birləşdirilmə cəhdinə etiraz ediblər.

Qeyd edək ki, irqçi fars rejimi Heyran gədiyini Azərbaycandan ayıraraq, Gilan vilayətinə birləşdirmək üçün ciddi hərəkətə keçib. Artıq Heyran gədiyində Gilan vilayətinin rəsmiləri tərəfindən tablolar da quraşdırılıb.

Yerli əhalinin verdiyi məlumata görə, Novruz bayramı günlərində “Heyran gədiyi” məntəqəsində turistlərə xidmət göstərmək bəhanəsi ilə təxminən 15 lövhə quraşdırılıb. Gilan vilayəti rəsmiləri tərəfindən quraşdırılan lövhələr “Heyran gədiyi”ni Gilan vilayətinin ərazisi kimi göstərir. Lövhələrin üzərində “Astara heyranı”, “Gilan Əyaləti Xeyriyyə İşləri və Vəqflər İdarəsi” və “Astara Şəhəri Xeyriyyə İşləri və Vəqflər İdarəsi” kimi sözlər yazılmışdı.

İrqçi fars rejiminin Azərbaycanı parçalama siyasətinin icraçısı rolunda çıxış edən Gilan vilayəti rəsmiləri, o cümlədən Astara qubernatoru hətta Ərdəbil vilayətində yerləşən Nəmində də belə tabloları asacaqlarını qeyd etmişdi.

Azərbaycanlı fəallar isə buna etiraz olaraq tabloları dağıtmağa çalışmışdılar.

Həmçinin yoxlayın

İsrail Sefidrood Sənaye Parkını vurub-Video

GADTB: İsrail Rəştin Sefidrood Sənaye Parkında, Kəleş Taleşan kəndi yaxınlığında İslam Respublikasının döyüş maşınına bağlı …

Tehranın Evin zindanında siyasi məhbuslara qarşı təzyiqlər davam edir

GADTB: Son günlər Evin həbsxanasının təhlükəsizlik qüvvələri 209-cu bölmədəki bütün məhbusları öz kameralarına salıb, onların …

Bir cavab yazın