Cümə axşamı , Mart 28 2024
azfa

Ərdəbilli millət vəkilindən Heyran gədiyi ilə bağlı Daxili İşlər Nazirliyinə məktub – sənəd

GADTB-nin Mətbuat Mərkəzinin əldə etdiyi məlumata görə, Ərdəbilli millət vəkili Südeyif Bədri irqçi fars rejiminin Güney Azərbaycanın Ərdəbil vilayətinin Heyran gədiyi bölgəsini qopararaq Gilana birləşdirməsinə etiraz edib.  O İran adlanan ölkənin daxili işlər naziri Əbdulrza Rəhmani Fəzliyə məktub ünvanlayaraq Heyran gədiyi ilə bağlı lazımsız və gərginliyə səbəb olan hərəkətlərin qarşısının alınmasını tələb edib.

“Yazılı xəbərdarlıq” başlığı ilə bazar günü S.Bədrinin Rəhmani Fəzliyə ünvanladığı məktubda deyilir: “Heyran məntəqəsində Gilan vilayəti və Astara şəhərinin bəzi hörmətli məsullarının lazımsız və gərginliyə səbəb olan qeyri-prinsipial hərəkətlərinin qarşısı alınsın”.

Millət vəkili S.Bədri məsələnin həssas olduğuna toxunaraq, Gilan rəsmilərinin hərəkətlərinin nəticələri ilə bağlı xəbərdarlıq edib və bildirib ki, Heyran gədiyində quraşdırılan lövhələr dərhal qaldırılmalıdır.

Qeyd edək ki, irqçi fars rejimi Güney Azərbaycanın Ərdəbil vilayətinin Heyran gədiyini Azərbaycandan qoparıb Gilana birləşdirmək istəyir. Keçmiş illərdə isə Astaradan Rəştə qədər böyük bir ərazi Azərbaycandan qopardılaraq Gilana birləşdirilmişdir.

Həmçinin yoxlayın

Güney Azərbaycanda molla rejimin insan haqlarının pozmasına dair illik hesabat yayıldı

GADTB-nin Mətbuat Mərkəzinə daxil lan məlumata görə, azərbaycanlı fəallar və Abbas Lisani adına açılmış sosial …

Urmiya bələdiyyəsi voleybol üzrə Premyer Liqanın final mərhələsinə yüksəlmək ərəfəsindədir

GADTB-nin Mətbuat Mərkəzinə daxil lan məlumata görə,Urmiya Bələdiyyəsinin voleybol komandası bu axşam Premyer Voleybol Liqasının …

Bir cavab yazın