GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ərdəbilin keçmiş millət vəkili Dr.Nurəddin Pirmüəzzin azərbaycanlı siyasi məhbuslar, o cümlədən Abbas Lisaninin vəziyyətinin ağır olması barədə beynəlxalq təşkilata məlumat verdiyini bildirib.
O özünün İnstaqram hesabında bir yazı paylaşaraq, Ərdəbil, Təbriz, Zəncan və Urmiya zindanlarından şok xəbərlərin yayıldığını ardınca bu haqda Ümumdünya Səhiyyə Təşkilatına məlumat verdiyini bildirib.
Pirmüəzzin yazıb: “Hər bir qapalı məkanda toplanmaq virusun yayılmasını sürətləndirəcək. Be hallarda xəstəxanalar, qocalar evi və zindanlar ən təhlükəli məkan hesab edilir. Dövlətlər bununla bağlı öhdəlikləri yerinə yetirməyə borcludurlar.
Təəssüf ki, İran zindanları, xüsusilə aztəminatlı əyalətlər Covid-19 xəstələri ilə doludur. Təəssüflə mollalar bütün bu fəlakətləri gizlətməyə çalışır və məhbusların, özəlliklə siyasi məhbusların ölməsinə və öldürülməsinə şərayit yaradırlar!”
Pirmüəzzin həmçinin deyib:
“Aldığım bilgilərə görə, ərdəbilli həmvətənlərim də Ərdəbil zindanındakı Covid-19-un kəskin simptomlarından əziyyət çəkirlər. Xüsusilə cənab Lisani və cənab Vasiqinin ümumi vəziyyətləri yaxşı deyil. Onların xəstəxanaya göndərilməsinin qarşısı alınır…”.
Qeyd edək ki, irqçi fars rejim azərbaycanlı siyasi məhbusları koronavirusa yoluxdurub. Abbas Lisaninin isə vəziyyətinin ağır olduğu bildirilir.
