Cümə axşamı , Mart 28 2024
azfa

Ərdoğandan Kıbrıs müjdəsi

GADTB-nin Mətbuat Mərkəzinə daxil olan məlumata görə, Türkiyə Prezidenti Rəcəb Tayyib Ərdoğan Şimali Kipr (Kıbrıs) Türk Cümhuriyyətinə (KKTC) səfər edərək, keçirilən iclasda çıxış edib.

Parlamentdə çıxış edən Türkiyə Prezidenti Rəcəb Tayyib Ərdoğan deyib ki, Şimali Kipr Türk Cümhuriyyətində yeni prezident iqamətgahı və parlament binası inşa ediləcək.

“Məlum olduğu kimi, KKTC rəhbərliyinin uyğun bir iqamətgahı və binası yoxdur. Biz bunu Şimali Kipr Türk Cümhuriyyətinə yaraşdırmırıq. İndi prezident iqamətgahı ilə əlaqədar hazırlanan layihə üzərində işlər bitdi və inşasına yaxında başlayırıq. Millət Baxçasını da inşa etmək istəyirik. Bu, dövlət olmağın ifadəsidir. Bunu inşallah layihəni həyata keçirəcək şəxslərə göstərəcəyik. Eyni zamanda parlament binası da inşa edəcəyik. İstəyirik ki, millət vəkillərimizin özlərini azad və rahat hiss edə biləcəkləri məkan olsun. Biz 500 hektar torpaq ayırmışıq”, – Türkiyə lideri müjdəni verib.

Qeyd edək ki, Türkiyə Prezidenti Rəcəb Tayyib Ərdoğan Şimali Kipr (Kıbrıs) Türk Cümhuriyyətinə (KKTC) səfər edib.

Keçirilən tədbirdə Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin rəhbəri Səməd Seyidovun rəhbərlik etdiyi nümayəndə heyyəti iştirak edir.

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …