GADTB Güney Azərbaycan Demokratik Türk Birliyi
GADTB: Şərqi Azərbaycan Ətraf Mühit Dərnəklərinin Koordinasiya Şurasının üzvləri “Yasşəhr”dən Kəndivan kəndinə yeni turizm yolunun çəkilməsinə qarşı çıxaraq bu layihənin dayandırılmasını tələb ediblər.
Dərnəklərin bildirdiyinə görə, yeni yolun qeyri-düzgün və ekoloji tələblər nəzərə alınmadan salınması Səhənd dağının yaylaqlarının, bulaqlarının və bitki örtüyünün məhvinə səbəb ola bilər. Onlar vurğulayıblar ki, Çovan kəndindən Kəndivana mövcud giriş yolu avtomobillərin hərəkətinə imkan verir və buna görə də yeni yolun çəkilməsinə ehtiyac yoxdur.
Ətraf mühit fəalları həmçinin Səhənd ərazisində çoxsaylı mədən istismarına icazələrin verilməsindən və mədənlərin fəaliyyəti başa çatdıqdan sonra ərazilərin lazımi qaydada bərpa edilməməsindən narahatlıqlarını bildiriblər. Onların sözlərinə görə, bu proses Səhənd təbiətinin daha da dağıdılmasına və bölgədə ekoloji böhranın yaranmasına səbəb olur.
