GADTB Güney Azərbaycan Demokratik Türk Birliyi
GADTB: “Human Rights Watch” Rəşt şəhərinin Lakan həbsxanasında saxlanılan edama məhkum edilmiş azərbaycanlı işçi hərəkatı fəalı Şərifə Məhəmmədi ilə bağlı bəyanat yayıb.
Bəyanatda İranın yeni prezidenti Məsud Pezeşkiandan real dəyişikliklər etmək üçün ölüm hökmlərini dayandırmaqla başlaması istənilib.
“İran hökuməti nəinki amansız şəkildə qadın fəalları hədəfə alır, həm də etnik azlıqlara aid qadınlara daha çox repressiyalar və hücumlar həyata keçirir. Əgər Məsud Pezeşkian real dəyişikliyin nümayəndəsi olduğunu göstərmək istəyirsə, onda bu yöndə addım atmağa başlasın”,- təşkilatın İran məsələləri üzrə araşdırmalarının rəhbəri Nahid Nəqşbəndi deyib.
O, yeni Prezidentin dinc etiraz etdiklərinə görə həbs edilən bütün məhbuslarının sərbəst buraxılması ilə bağlı göstəriş verməsini istəyib.
Qeyd edək ki, 5 dekabr 2023-cü ildə həbs edilən Şərifə Məhəmmədi “xaricdə sistemə müxalif olan təşkilata üzv olmaq” ittihamına görə edama məhkum edilib.
