GADTB Güney Azərbaycan Demokratik Türk Birliyi
GADTB: Ərdəbildə Güney Azərbaycan Milli Hərəkatının fəalı İrəc Şirzad həbs edilərək siyasi təqiblərin qurbanına çevrilib. Onun yaxınlarının verdiyi məlumata görə, Şirzad iyulun 2-də prezidentliyə namizəd Pezeşkianın seçki qərargahına gedib və orada yaxalanıb.
Kəşfiyyat xidmətinin əməkdaşları polislərin köməyi ilə artıq seçilmiş prezident Pezeşkianın seçki qərargahında saxta dava təşkil ediblər. Həmin anda orada olan Şirzad münaqişə iştirakçısı kimi saxlanılıb.
Həbs edildikdən sonra o, Ərdəbilin 14-cü polis bölməsinə aparılıb və orada şiddətlə döyülüb. Nəticədə o, üz nahiyəsindən ciddi xəsarətlər alıb, o cümlədən bədəninin bütün nahiyələrində kəsiklər və qançırlar əmələ gəlib.
Şirzad barəsində heç bir ittiham irəli sürülmədən o, hakim Qasımzadənin sədrlik etdiyi məhkəməyə təhvil verilib. Verilən qərara əsasən, onun müvəqqəti həbsinə qərar verilib.
Fəalın ailəsi və dostları onun hüquqları uğrunda mübarizə aparır, lakin məhbusun vəkillə görüşməsinə icazə verilmədiyi üçün onlar maneələrlə üzləşirlər.
Fəallar vurğulayırlar ki, hakim Qasımzadə kəşfiyyat xidmətinin agenti kimi fəaliyyət göstərərək, qanuni prosedurlara əməl etmədən onların göstərişlərini yerinə yetirir .
