GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Evin həbsxanasında həbsdə saxladığı azərbaycanlı milli-mədəni fəal Mürtəza Pərvin və hüquq müdafiəçisi, vəkil Tahir Nəqəvini həbs cəzasına məhkum ediliblər.
Tehranın İnqilab Məhkəməsinin 15-ci şöbəsi azərbaycanlı fəalları şərləyərək, “hökumətə qarşı təbliğat” və “milli təhlükəsizliyə zərbə vurmaq üçün toplaşmaq və əlbir olmaq”da günahlandırıb.
Rejimin məhkəməsi həmin ittihamlara görə də, Mürtəza Pərin və Tahir Nəqəvi hər biri 6 il həbs cəzasına məhkum edib.
Məhkəmənin başqa bir qərarına görə, Tahir Nəqəvi həbs müddəti bitdikdən sonra, 2 il müddətinə ölkədən çıxışına, ictimai fəaliyyətinə və qruplara üzv olmasına qadağa qoyulub.
Qeyd edək ki, fevralın 6-da Mürtəza Pərvin Ərdəbildə, Tahir Nəqəvi isə Kərəc şəhərində həbs ediliblər. İrqçi fars-molla rejimi azərbaycanlı fəalları qeyri-müəyyən vəziyyətdə uzubn müddət həbsdə saxlayıb.
