GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Tehran İnqilab Məhkəməsinin 15-ci şöbəsi azərbaycanlı fəal Salar Tahir Əfşarı 5 il müddətinə azadlıqdan məhrum edib.
Azərbaycanlı fəal Tehran İnqilab Məhkəməsinin hakimi Əbülqasım Sələvatinin rəhbərlik etdiyi 15-ci şöbəsi tərəfindən 5 il müddətinə azadlıqdan məhrum edilib. Bu hökm “daxili və xarici təhlükəsizliyə qarşı cinayət törətmək niyyəti ilə toplanma və əlbir olmaq” ittihamı ilə çıxarılıb.
Cənab Salar Tahir Əfşar şəxsi İnstaqram səhifəsində dərc etdiyi postda hökmü dünən şəxsən gördüyünü açıqlayıb. Onun ittihamları üzrə Vədud Əsədi ilə birlikdə bu il mayın 21-də məhkəmə iclası keçirilib.
