İranda Qərçəq zindanı insan haqlarının pozulmasının ən qaranlıq əlamətlərindən biridir

GADTB: Bu gün İran İnsan Haqları Təşkilatı Beynəlxalq İnsan Haqları Günü münasibətilə “Qərçəq həbsxanası qadınlar və uşaqlar üçün cəhənnəmdir” başlığı ilə hesabat hazırlayıb.

Bildirilib ki, toyuq fermasının həbsxanaya çevrilməsi, havalandırma və təmiz içməli suyun olmaması və çirkab sularının səviyyəsinin vaxtaşırı qalxması hesabatın yalnız bir hissəsidir.

Hesabatda zindan İslam Respublikasında insan haqlarının sistematik şəkildə pozulmasının ən qaranlıq simvollarından biri kimi təsvir edilib.

Həbsxanada saxlanılan məhbuslar dözülməz vəziyyətdən şikayət edirlər, eləcə də yatmaq üçün yerdən belə məhrum edildiklərini qeyd edirlər./ Azad İran