Molla rejimi həbs etdiyi azərbaycanlı fəalı tibbi xidmətdən məhrum edib

GADTB-nin Mətbuat Mərkəzinə daxil olan məlumata görə, Tehranın Evin zindanında həbsdə saxlanılan azərbaycanlı milli fəal və vəkil Tahir Nəqəvinin bir neçə xəstəlikdən əziyyət çəkməsinə baxmayaraq, onun müayinə və müalicəsinə qoyulan məhdudiyyətlər davam edir.

Bu barədə insan haqları təşkilatlarının yaydığı məlumatda deyilir.

Məlumatda bildirilir ki, “may ayından həbsxananın həkimi Naqvinin prostat vəzinin kütləsindən nümunə götürmək, ultrasəs və MRT etmək üçün xəstəxanaya göndərilməsini tövsiyə etsə də, həbsxana rəhbərliyi tərəfindən heç bir tədbir görülməyib. O, prostat vəzi xəstəliyi və onurğa sütununda şiddətli ağrılar səbəbindən ağır vəziyyətə düşüb. Bununla yaaşı məhbus vəkilin dizindəki problemlər və sağ əlinin hərəkət qabiliyyətinin azalması onun normal hərəkət etməsinə mane olub”.

İnsan haqları təşkilatları həbsxanadakı mənbələrə istinadən həbsxana rəhbərliyinin heç bir səbəb göstərmədən Tahir Nəqəvininin kamerasını tez-tez dəyişdirdiyini diqqətə çatdırıblar:  “Hüquqşünas Evin həbsxanasının 4-cü palatasından 6-cı palataya, sonra 7-ci palataya, ən sonda isə həbsxananın 8-ci palatasına köçürülüb”.