GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Sulduz şəhərindən olan azərbaycanlı milli fəal Səccad Şəhirini ETTELAAT İdarəsinə çağrılıb.
Azərbaycanlı fəal dindirilmək üçün telefon vasitəsilə İdarəyə dəvət olunub.
O isə bunun qanunsuz olduğunu bildirərək məhkəmə qərarı olmadan heç bir yerə getməyəcəyini vurğulayıb.
Səccad Şəhiri 2019-cu ilin dekabr Sulduz Kəşfiyyat İdarəsinin agentləri tərəfindən həbs edilib və yanvar 2021-də Qərbi Azərbaycan Əyalət Apellyasiya Məhkəməsi azərbaycanlı fəalı rejim əleyhinə təbliğat aparmaq ittihamı ilə 6 ay müddətinə həbs edib.
Qeyd edək ki, Azərbaycanın müxtəlif şəhərlərində İranın ETTELAAT qüvvələri azərbaycanlı fəalların fəaliyyətinin qarşısını almaq üçün qanunsuz addım ataraq fəalları və onların yaxınlarını telefonla bölməyə çağırır, onları həbs və işgəncə ilə hədələyirlər.
