Cenevrədə İranla üç Avropa ölkəsi arasında nüvə danışıqlarının növbəti dövrü keçirilib

GADTB: Martın 27-də Cenevrədə İslam Respublikası və Böyük Britaniya, Fransa və Almaniya ölkələrinin diplomatları nüvə məsələsi ilə bağlı ekspertlər səviyyəsində texniki və ekspert danışıqları keçiriblər.

Bu barədə İran Xarici İşlər Nazirliyinin beynəlxalq məslələr üzrə məsulu Kazım Qəribabadı özünün X hesabında yazıb.

İran Xarici İşlər Nazirliyinin sözçüsü İsmail Bəqai də bu danışıqları təsdiqləyib və bildirib ki, bu danışıqların yeni raundu “həm sanksiyaların ləğvi, həm də nüvə sahələrində məsələnin müxtəlif aspektlərini müzakirə etmək və fikir mübadiləsi aparmaq” məqsədi ilə keçirilib.

Qeyd edək ki, Beynəlxalq Atom Enerjisi Agentliyinin hesablamalarına görə, Tehran hazırda nüvə bombası hazırlamaq üçün kifayət qədər zənginləşdirilmiş urana malikdir.

Agentliyin baş dirrektoru Rafael Qrossi isə beynəlxalq ictimaiyyətə İranın nüvə proqramını cilovlamaq üçün çox vaxt qalmadığı barədə xəbərdarlıq edib.