GADTB Güney Azərbaycan Demokratik Türk Birliyi
GADTB: Marağa şəhərində fəaliyyət göstərən Kave Soda zavodunun tullantı suları Binabdakı kənd təsərrüfatı sahələrini zəhərlyir.
Bir neçə gündür Kave Soda zavodunun sənaye çirkab suları boru partlaması səbəbindən Binabın Qışlaqxana kəndinin torpaq sahələrinə axır.
Zəhərli suların əkin ərazilərinə axıdılması burada yaşayan sakinlərin və fermerlərin narahatlığına səbəb olur. Yerli sakinlər çirklənmənin yayılmasının qarşısını almaq üçün təcili tədbirlər görməyə çağırırlar.
Qeyd edək ki, Kave Soda Zavodu Tehranın Dəmavənd şəhərindən olan İbrahim Əsgəriyan Dəmavəndiyə məxsusdur və Xamenei, Rəfsəncani, eləcə də Əsgərövladi ailələrinin mafiya dəstələrinə bağlıdır.
Bu zavod ətraf mühitin geniş şəkildə çirklənməsi səbəbindən əvvəllər də dəfələrlə gündəmə gəlib. Bu fabrik də hər il Urmu gölünün suyunun təxminən 3 faizini istehlak edir və gölün qurumasına səbəb olan amillərdən biri hesab olunur.
Zavodun fəaliyyətinin zərərli olması dəfələrlə azərbaycanlı faəllar və ətraf mühit fəalların etirazına səbəb olub.
