GADTB Güney Azərbaycan Demokratik Türk Birliyi
GADTB: Əli Xameneinin Azərbaycan Respublikası üzrə nümayəndəsi olmuş və Azərbaycandan qovulmuş Əliəkbər Ocaqnejad Ərbəin mərasimində iştirak etmək üçün İraqın Kərbəla şəhərinə yola düşüb.
Ocaqnejadın Kərbəlada Azərbaycan Respublikasından İraqa gedənlərlə görüşlər keçirəcəyi bildirilir.
Ocaqnejada yaxın mənbələrin paylaşımlarında isə onun Azərbaycan, Gürcüstan və Dağıstandan Kərbəlaya gedən ziyarətçilərə Xamenei və Qumdakı dini mərkəzlərin təlimat və tapışırıqlarını çatdıracağı bildirilib.
Qeyd edək ki, molla rejimi, SEPAH və Qumdakı dini mərkəzlər hər il İrana qonşu ölkələrdən Kərbəlaya ziyarətə gedən xarici ziyarətçiləri öz mənfur planlarına cəlb etmək üçün xüsusi vəsaitlər ayırır. Bu vasitə ilə molla rejimi son illərdə çoxsaylı terrorçu dəstələr yaradıb.
