ادتاج اتحادیه دمکراتیک ترک آذربایجان جنوبی
گادتب: سه تن از فعالین آذربایجانی محبوس در زندان تهران بزرگ به نامهای: محمد رضا فقیهی، محمود اوجاقلو و مرتضی پروین با انتشار متنی اعتراضی نسبت به خشکانیدن تعمدی دریاچه اورمیه توسط جمهوری اسلامی طی سالیان اخیر با اعتصاب غذای نمادین «خشک و تر» به مدت ۴۸ ساعت اعتراض نمادین خود را در زندان تهران بزرگ اعلام کرده اند. این فعالین آذربایجانی زمان و روز اعتصاب غذای خود را متعاقبا اعلام خواهند کرد.
متن تورکی انتشار یافته توسط فعالیندر پایین آورده شده است.
سوسوز دوغا
اؤزونو دوغادان آیری ایراق و اوزاق تانیملادان عاغیللی اینسان دوغا اوستو جانلییا دؤنوشوبدور. ائورهنین اؤزهیی ساندیغی کیمی هم جانلینی هم جانسیزی اؤز قوللوغوندا بیلرکن هر تورلو تورسوز و داغیدیجی داورانمایی دوغانی یوخسول و یوخانیش ائدهنه قدر قاباغا آپاریر. بولانمیش سو، تورپوپراق هاوا و… اؤنجه حئیوانلاری ایسه بیتگیلری ائتگیلندیریب ایندی دوغانین قارغیشی سومویوموزه اوتورماقدادیر.
قاباقجادان قورودولموش بولاقلار، کهریزلر، پینارلار و قویولار ایسه آخان چایلار و اورمو گؤلو کیمی گؤللریمیز سوسوزلوغو آنیب گئنیش قورولوغو یایقینلاشدیریب دیر. بوردا اورمو گؤلون قورودولماسینی وورغولاماقدان سوسوزلوغون و قورولوغون گؤرهنهیی اولاراق اوتوشدورماق ایستهییریک. چونکو بؤیوک گؤلوموز دولو و گؤزل گلین ایدی آنجاق ایندی لیل قاریدیر. همیده گؤزلریمیزین اؤنونده دوز وئرن فاجیعه. سو قیتلیغی و قوراقلیق وار یوخ، اؤلوم قالیم مسئلهسیدیر.
ائوینی اوشاغینی سوسوز گؤرمهیه دؤزنلر وارمی؟ اوباسینی یوردونو وطنینی سوسوزلوقدا یاشادا بیلنلر وارمی؟ کیمی کیمسهنی قوسورلو بیلدیرمک له بو فاجیعه یه اینانمالییق ها بئله هانسی ایشلر گؤرمهیه و هانسی ال وئریشلی یاساقلارا و قیسمایارا باش ایمهیه مجبوروقسا بلیرتمهلییک.
سئچه بیلهجکلریمیز آز و چتین اولسا بئله بالالاریمیزا گؤره چالیشمالییق. هر زامانکی کیمی ایران حاکیمیتی و دولت سیتهسینده اولان مسئولیت لریندن قاچاراق چاتیشماقلارینی و آخساقلیقلارینی قبول ائتمک یئرینه میللتی بورجلو سالیر و اونو اؤدهمهیه
گؤرهولندیریر. سانکی سو آزلیغینا و قورولوغا سبب اولان میللت دیر و یانلیش سیاست لرینی گؤرمک ایستهمیر. دؤلت لر ترسینه و داغیدیجی سئچهنهجک لری ایله آچیق آیدین هر نه یی قوروتماقدادیر. سویون ایری آدلاییجی هابئله سوروملوسو و. یؤنهتیجیسی ایران حاکمیتی دیر. گؤلوموز قورودولور و سو آزالیر بونو بیلمک یئترلی دئییل درین آنلاماق گرکلی دیر بیز سیاسی میللی مدنی توتساقلی لار ۴۸ ساعات یئمک و ایچمهیی اؤزوموزه یاساقلاندیریریق، چالیشیریق سو آچاندا، سو ایچنده و سویا باغلی هر نه یه دریندن فیکیرلشک عئینی حالدا هر زامان سوسوزلوغا دوشونرکن گؤللریمیزین چایلاریمیزین قورودولماسینا گؤره اویلاشاق.
آذربایجان میللی مدنی چالیشانلاری تهران بزرگ دوستاغی
۱۴۰۴/۵/۱۳
