ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل بی اویتا آوسترالییا خاریجی ایشلر ناظری پئننی وونقا مکتوب گؤندریب. مکتوبدا سایین میکائیل بی آوسترالییا دؤولتینین ایران سفیرینی قووماسی و سپاه-ی تئررور تشکیلاتی کیمی تانیماسینی دستکله دیگینی ایفاده ائدیب.
سایین میکائیل بیین مکتوبونو تقدیم ائدیریک:
آوسترالییا آذربایجانلیلاری آسوسیاسییاسی آدیندان سیزه و باش ناظر ائنتونی آلبانئسئ-نین رهبرلیگی آلتیندا فعالیت گؤسترن آوسترالییا فئدئرال حکومتینه درین میننتدارلیغیمیزی بیلدیریرم. ایران رئژیمینین سفیرلیگینین باغلانماسی، سفیرینین آوسترالییادان چیخاریلماسی و ایران اینقیلاب کئشیکچیلری قیواردییاسینین تئررور تشکیلاتی کیمی تانینماسی بارهده قبول ائتدیگینیز پرینسیپیال قراری تام دستکله ییریک.
بو تاریخی آددیم یالنیز آوسترالییالیلارین تهلوکهسیزلیگی و ریفاهی اوچون غلبه دئییل، هم ده اوزون ایللر ایران رئژیمینین ظلمو، ائکسترئمیزمی و زوراکیلیق ایخراجیندان اذیت چکمیش بوتون ایجمالار اوچون اومید ایشیغیدیر. ایران اینقیلاب کئشیکچیلری قیواردییاسی اوزون مدتدیر کی، قلوبال تئررور آلتی کیمی فعالیت گؤسترهرک یاخین شرقی و دیگر بؤلگهلری دئستابیلیزه ائدیر، دئموکراتیک دؤولتلری و گوناهسیز اینسانلاری تهلوکه آلتینا سالیر.
بو قطعیتلی آددیمی آتماقلا آوسترالییا تاریخین دوزگون طرفینده دایانمیشدیر. بو، دؤولت طرفیندن دستکله نن تئرروریزمین قبول ائدیلمیه جیینه و دئموکراتییا، عدالت و اینسان حقوقلاری ده یرلرینین آوسترالییا خاریجی سیاستینین اساسینی تشکیل ائتدیگینه دایر گوجلو بیر مئساژدیر.
آسوسیاسییامیز و گئنیش ایجمامیز بو جسارتلی قراری تام دستکله ییر و اؤلکهمیزی قوروماقلا یاناشی، ایران رئژیمینین ظلمونه معروض قالانلارلا همرأیلیک نوماییش ائتدیردیگینیز اوچون سیزین رهبرلیگینیزی یوکسک قیمتلندیریریک.
درین حؤرمت و میننتدارلیقلا،
میکائیل اویتا
آوسترالییا آذربایجانلیلاری آسوسییاسینین بیرلیگی پرئزیدئنتی
مکتوبون اینگیلیسجه متنینی تقدیم ائدیریک:
