İran Nüvə Enerjisi üzrə Beynəlxalq Agentliklə nüvə obyektlərinə baxış barədə razılığa gəldi

Nüvə Enerjisi üzrə Beynəlxalq Agentlik və İran nüvə obyektlərində təftiş fəaliyyətini bərpa etmək barədə razılığa gəliblər.

Bu barədə agentliyin baş direktoru Rafael Qrossi X sosial şəbəkəsində məlumat verib.

“Bu gün Qahirədə İranın xarici işlər naziri Arakçı ilə İranda yoxlama fəaliyyətinin bərpasının praktiki üsulları barədə razılığa gəldik. Bu, düzgün istiqamətdə atılmış mühüm addımdır”, – o deyib.

İran XİN rəhbəri də belə bir razılaşmanın olduğunu təsdiqləyib.