Çərşənbə , Noyabr 18 2026
azfa

Xameneyi Pezeşkiana nüvə danışıqlarında vasitəçilik üçün göstəriş verib

GADTB: Əli Xameneyi Qərblə nüvə danışıqlarının bərpası məqsədi ilə prezident Məsud Pezeşkiana xüsusi tapşırıq verib. Bununla bağlı “Iran International” məlumatlı mənbələrə istinadla xəbər yayıb.

Məlumata əsasən, Xameneyi Pezeşkiana Qətər əmirindən vasitəçi kimi çıxış etməsini istəməyi tapşırıb. Məqsəd, İranla Qərb ölkələri arasında gərginliyin azaldılması və xüsusilə “snapback” (tətik) mexanizmi əsasında beynəlxalq sanksiyaların yenidən tətbiq olunmasının qarşısının alınmasıdır.

Qətərin rəsmi xəbər agentliyi də bu məlumatı dolayısı ilə təsdiqləyib. Bildirilib ki, İran prezidenti tərəfindən göndərilən şifahi mesaj sentyabrın 4-də Dohada səfərdə olan İranın xarici işlər naziri Abbas Əraqçı vasitəsilə Qətər əmiri Şeyx Təmim bin Həməd Al Taniyə çatdırılıb. Həmin mesajda Tehranın adından Qətərdən Qərblə əlaqələrin yenidən qurulmasında diplomatik vasitəçilik rolu istənilib.

Həmçinin yoxlayın

Səhənd stadionu “Traxtur” komandasına verilir

GADTB: Təbrizin 70 min nəfərlik Səhənd stadionu “Traxtur” İdman Klubuna verilir. Bu haqda İran İdman …

İran zindanlarında məhbuslar çörək dilənirlər

GADTB: “Iran Wire” nəşri Tehran və Evin zindanlarında qida çatışmazlığı və məhbusların istismarı ilə bağlı …