GADTB Güney Azərbaycan Demokratik Türk Birliyi
GADTB: Azərbaycan Traxtur futbol komandası İran Premyer Liqasının 14-cü turunda Tehran Pikani ilə qarşılaşıb və oyunu 2–1 hesablı qələbə ilə başa vuraraq bu görüşdən üç xal qazanıb. Bu nəticə ilə Traxtur müvəqqəti olaraq turnir cədvəlinin üçüncü pilləsinə yüksəlib.
Qələbə Dragan Skoçiçin rəhbərlik etdiyi komandanın növbəti oyunlar, o cümlədən liqa və ölkə kubokundakı həlledici qarşılaşmalar öncəsi əhval-ruhiyyəsini yüksəldib.
Qarşılaşma bazar günü, 1404-cü il Azər ayının 23-də, saat 15:30-da keçirilib. Oyunun 6-cı dəqiqəsində Pikan komandasının üzvü Şahin Tövkəli hesabı açıb. Lakin Traxtur 10-cu dəqiqədə Əmirhüseyn Hüseynzadənin vurduğu qolla hesabda tarazlıq yaradıb. Matçın 27-ci dəqiqəsində Traxturun vurduğu ikinci qol ofsayd səbəbilə qeydə alınmayıb.
İkinci hissədə, 74-cü dəqiqədə Mehdi Haşimnejad Əmirhüseyn Hüseynzadənin ötürməsindən sonra Traxturun qələbə qolunu vurub. Bu nəticə ilə Traxtur xalını 21-ə çatdıraraq turnir cədvəlinin üçüncü sırasında qərarlaşıb. Pikan isə 14 xalla əvvəlki mövqeyində qalıb.
