GADTB Güney Azərbaycan Demokratik Türk Birliyi
GADTB: 1404-cü il Azər ayının 23-də, bazar günü, Qərbi Azərbaycanda yerləşən Tikantəpənin Zərəşuran mədən kompleksinin işçiləri və əməkdaşları koordinasiyalı şəkildə bu müəssisənin giriş qapısı qarşısında etiraz aksiyası keçiriblər.
Etirazçı işçilər məşğulluq və yaşayış şəraitlərinin ağır vəziyyətinə diqqət çəkərək, əməkhaqlarının ödənilməsində ədalətin təmin olunmasını, maaş və ödənişlərdə mövcud olan ayrı-seçkilik və bərabərsizliyin aradan qaldırılmasını tələb ediblər. Aksiya iştirakçıları həmçinin yaşayış səviyyəsinin təcili yaxşılaşdırılmasını və iqtisadi problemlərin aradan qaldırılması üçün praktik və real həll yollarının təqdim olunmasını istəyiblər.
Toplantı zamanı işçilər yığılıb qalmış maaşların, mükafatların və digər sosial ödənişlərin dərhal ödənilməsinin vacibliyini xüsusi vurğulayıblar.
Haqq-tələb edən şüarlar səsləndirən etirazçılar məsul qurumlara açıq mesaj göndərərək, təkrarlanan və nəticəsiz vədləri artıq qəbul etməyəcəklərini, irəli sürdükləri tələblərlə bağlı konkret cavab və əməli addımlar gözlədiklərini bildiriblər.
