GADTB Güney Azərbaycan Demokratik Türk Birliyi
GADTB: Dünən Türkiyənin vitse-prezidenti Cevdet Yılmaz İran tərəfindən baş verən hücumları şərh edərkən bildirib ki, İranda hazırda vahid qərar qəbuletmə sistemi mövcud deyil. O, İranda mövcud vəziyyəti gərgin adlandırıb və fərqli strukturlara doğru dəyişikliklərin getdiyini qeyd edib.
Türkiyənin vitse-prezidenti vurğulayıb ki, ölkəsi ənənələrə malik dövlət olaraq emosiyalara əsaslanmadan, hadisələri çoxölçülü təhlil edir və müsbət- mənfi tərəflərini, həmçinin uzunmüddətli nəticələrini qabaqcadan dəyərləndirir.
O, əlavə edib: “Buna görə də biz bu hadisəni soyuqqanlılıqla qiymətləndiririk. Dəfələrlə bildirmişik və xəbərdarlıq etmişik ki, bu baş verməməli idi. Ümid edirik ki, bir daha təkrar olunmayacaq”.
Yılmaz qeyd edib ki, Türkiyə NATO ölkəsi olaraq və müstəqil şəkildə, hər cür təhdidlərə qarşı tədbirlər görməyə davam edəcək.
