GADTB Güney Azərbaycan Demokratik Türk Birliyi
GADTB: İran Xarici İşlər Nazirliyinin sözçüsü son günlər Türkiyə, Azərbaycan və Kiprə qarşı həyata keçirildiyi bildirilən hücumlarda Tehranın iştirakını qəti şəkildə rədd edib və qonşu ölkələri tələsik nəticə çıxarmamağa çağırıb.
Nazirliyin sözçüsü İsmayıl Bəqayi bildirib ki, region ölkələri bu hadisələrlə bağlı “tələsik mühakimələr yürütməməlidirlər”. Onun sözlərinə görə, İsrail illər ərzində dəfələrlə “saxta bayraq” adlandırılan əməliyyatlar həyata keçirib və sonradan bu əməliyyatların məsuliyyətini üzərinə götürməyib.
Bəqayi əlavə edib ki, İsrailin İranla qonşu ölkələr arasında fikir ayrılığı yaratmaq məqsədilə bəzi əməliyyatları planlaşdırıb həyata keçirməsi ehtimalı da mövcuddur.
O həmçinin qeyd edib ki, İran silahlı qüvvələri rəsmi şəkildə açıqlayıb ki, Türkiyə, Azərbaycan və Kiprə qarşı həyata keçirildiyi bildirilən hücumlar İran tərəfindən təşkil olunmayıb.
Sonda İran XİN sözçüsü region ölkələrini “ayıq-sayıq olmağa və tələsik nəticələr çıxarmamaq” çağırışı ilə müraciət edib.
