Təbrizin Kuy-e Nəsr məhəlləsində məqsədli hücumla rejimin məmuru və ailə üzvləri öldürüldü

GADTB: Yerli mənbələrin məlumatına görə, Təbrizin Kuy-e Nəsr məhəlləsində baş verdiyi bildirilən hədəfli hücum nəticəsində bir ailənin dörd üzvü həyatını itirib. Məlumata əsasən, hücumun İsrail ordusu tərəfindən həyata keçirildiyi iddia olunur.

Yayılan şəkillərə görə, hadisə nəticəsində ölən şəxslərin kimliyi belə göstərilir:

Mühəndis Həmid Mirzazadə (bəzi mənbələrdə “sərdar” kimi təqdim olunur)

Ruqiyyə (Fərzanə) Hacıəsğəri – həyat yoldaşı

Zəhra Mirzazadə – məktəbli qızları

Əmirhüseyn Mirzazadə – məktəbli oğulları

Hadisənin təfərrüatı:

Sosial şəbəkələrdə yayılan iddialara və yerli məlumatlara görə, bu şəxslərin Şərqi Azərbaycan vilayətində təhlükəsizlik və hərbi strukturlarla əlaqəli şəxslər olduğu bildirilir. Məlumatlara əsasən, onların yaşadıqları ev Təbrizin Kuy-e Nəsr məhəlləsində dəqiq zərbə ilə vurulub və nəticədə ailə üzvləri həyatını itirib.