GADTB Güney Azərbaycan Demokratik Türk Birliyi
QADTİB: Təbriz Çörəkçilər Birliyinin rəhbəri Məhəmməd Abbasvənd bildirib ki, çörəyin yeni qiymətləri çörəkxanalardakı xüsusi ödəniş terminallarında qeydiyyata alınıb və müştərilərdən bu tariflər əsasında ödəniş alınır.
Onun sözlərinə görə: İkinci növ lavaş çörəyinin qiyməti 800 tüməndən 1600 tümənə yüksəlib (100 faiz artım).
Birinci növ sängək çörəyinin (dotasiyalı) qiyməti 4750 tüməndən 9000 tümənə qaldırılıb.
Yağlı bərbəri çörəyinin qiyməti 5700 tüməndən 10 min tümənə çatdırılıb.
Adi bərbəri çörəyinin qiyməti isə 3800 tüməndən 7000 tümənə yüksəlib.
Abbasvənd qiymət artımının səbəbləri kimi işçilərin əməkhaqlarının və sığorta xərclərinin artmasını, icarə haqlarını, nəqliyyat və çörək istehsalı ilə bağlı digər xərclərin yüksəlməsini göstərib.
O əlavə edib ki, ötən il dövlət çörəkçilərə 40 faiz subsidiya verirdi, lakin bu il həmin dəstək dayandırılıb.
Təbriz Çörəkçilər Birliyinin rəhbəri azad satışla fəaliyyət göstərən çörəkxanalar üçün yeni qiymətlərin hələ tam müəyyənləşdirilmədiyini və yaxın vaxtlarda açıqlanacağını bildirib.
O, həmçinin qeyd edib ki, Şərqi Azərbaycan vilayəti üzrə ümumilikdə 6300 çörəkxana fəaliyyət göstərir. Bunlardan 2200-ü Təbriz şəhərində yerləşir.
