GADTB Güney Azərbaycan Demokratik Türk Birliyi
GADTB: Avstraliya Azərbaycan Assosiasının prezidenti, Güney Azərbaycan Demokratik Türk Birliyinin (GADTB) Beynəlxalq Əlaqələr Departamentinin sədri sayın Mikayıl bəy Oyta Türkiyənin Sidneydəki baş konsulu sayın Belgin xanım Ergünəşə məktubla müraciət edib.
Məktubu olduğu kimi təqdim edirik:
Hörmətli Baş konsulum, Belgin Ergünəş,
Vəzifədə olduğunuz müddət ərzində Sidneydəki türk və Azərbaycan icmaları, eləcə də vətəndaş cəmiyyəti təşkilatları ilə nümayiş etdirdiyiniz dəyərli əməkdaşlıq, göstərdiyiniz yaxın diqqət və səmimi dəstəyə görə şəxsən öz adımdan və Avstraliya Azərbaycanlıları Assosiasiyası (AAA) adından ən səmimi təşəkkürlərimi bildirirəm.
Vəzifədə olduğunuz illər ərzində, xüsusilə türk dərnəklərinin rəhbərləri və icma təşkilatlarımız başda olmaqla, bizimlə qurduğunuz güclü və konstruktiv əməkdaşlıqdan böyük məmnunluq duyduq.
Türkiyə və Azərbaycanın “Bir millət, iki dövlət” anlayışı əsasında Avstraliyadakı türk və Azərbaycan icmaları arasında birlik və həmrəyliyin gücləndirilməsi, ortaq dəyərlərimizin yaşadılması, eləcə də müxtəlif sosial, mədəni və milli tədbirlərin birgə həyata keçirilməsi istiqamətində mühüm işlər gördük.
Sizin dəyərli töhfə və dəstəyiniz sayəsində həyata keçirdiyimiz birgə fəaliyyətlərin icmalarımız üçün çox müsbət və faydalı nəticələr verdiyinə inanıram.
Bu prosesdə göstərdiyiniz səmimi münasibət, dostluq əlaqələrimiz və dəyərli əməkdaşlığınız bizim üçün hər zaman xüsusi məna daşıyacaq.
Yeni vəzifənizə başlamanız münasibətilə Sizi ürəkdən təbrik edir, bundan sonrakı fəaliyyət və çalışmalarınızda ən səmimi uğur, cansağlığı və xoşbəxtlik arzularımı bildirirəm.
Yeni vəzifənizdə də ölkəmiz, Türkiyə-Azərbaycan münasibətləri və Türk dünyası naminə mühüm uğurlara imza atacağınıza ürəkdən inanıram.
Şəxsən öz adımdan və Avstraliya Azərbaycanlıları Assosiasiyası (AAA) adından bu günə qədər göstərdiyiniz dəyərli dostluq və əməkdaşlığa görə bir daha təşəkkür edir, yeni vəzifənizdə Sizə uğurlar arzulayıram.
Mikayıl Oyta
Avstraliya Azərbaycanlıları Assosiasiyasının (AAA) prezidenti
Məktubun türkcə şəklini təqdim edirik:
