ادتاج اتحادیه دمکراتیک ترک آذربایجان جنوبی
گادتب: بو گون 9 نويابر آذربايجانين دؤولت بايراغينين يارانديغي گوندور. قوزئيلي-گونئيلي بوتؤو آذربايجانين سيموولونا چئوريلن اوچ رنگلي بايراغيميز ايلک دفعه 9 نويابر 1918-جي ايلده آذربايجان خالق جمهوريتي ناظيرلر شوراسي طرفيندن تصديق ائديلميشدير. 5 فئورال 1991-جي ايلده ايسه بايراق همين ايل موستقيلليگيني اعلان ائتميش آذربايجان رئسپوبليکاسينين عالي سووئتي طرفيندن تصديق ائديلميشدير.
محمد امين رسولزاده، فتحعلي خان خويلو و ديگر جمهوريت قوروجولارينين ياراتديغي بايراق، مين ايللر بویو بؤيوک ايمپئراتورلوقلار قوران آذربايجان تورکونون معاصير دؤورده دونيادا کيمليگينين سيموولونا چئوريليب. بو بايراق هم ده آذربايجانين تورکلوگو و بوتؤولوگونون ايلهام قايناغينا چئوريليب.
گونئي آذربايجان دموکراتيک تورک بيرليگي (گادتب) 9 نويابر آذربايجانين دؤولت بايراغي گونو موناسيبتيله قوزئيلي-گونئيلي آذربايجان تورک ميللتيني، آذربايجان دؤولتيني و بوتون تورک ميللتيني تبريک ائدير. ميللي بايراغيميزين ابدي اولماسيني آرزو ائديريک. محمد امين رسولزاده دئميشکن بير داها يوکسلن بايراق بير داها ائنمز.
اژدر تاغيزاده
گونئي آذربايجان دموکراتيک تورک بيرليگي (گادتب) باشقاني
