ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجانلی‌لاری آسوساسیاسی پرئزیدئنتی و گادتب بئین الخالق دئپارتامئنتی‌نین صدری سایین میکاییل بَی اویتا آوسترالیا فئدئرال حکومتی‌نین باش ناظیری جناب ایسکات موریسونا مکتوبلا مراجعت ائده‌رک، فارس-موللا رئژیمی طرفین‌دن 40 میلیونلوق گونئی آذربایجان تورکونون حقوق‌لارینین تاپداندیغی، مدنیت، ایقتیصادیات و اطراف محیطینی محو ائتمه‌سی باره‌ده معلومات وئریب.
جناب اویتا مکتوبوندا 40 میلیون گونئی آذربایجان تورکونون ان ابتدائی اینسان حقوقو اولان آنا دیلده تحصیلدن محروم ائدیلدیگی وورغولانیب. مکتوبدا بئین الخالق عالمده قرارلارین وئریلمه‌سینده قئید ائدیلن مسئله‌لرین نظره آلینماسی قئید ائدیلیب.
آوسترالیا فئدئرال حکومتی‌نین باش ناظری جناب ایسکات موریسون طرفین‌دن یازیلان جاوابدا ایسه آوسترالیا دؤولتی‌نین بو مسئله نی دقتده ساخلادیغی، ائله‌جه ده ایراندا دینی و ائتنیک آزلیق‌لارین حقوق‌لارینین قورونماسینین ضرورتینه تاکید ائدیلیب. باش ناظیر وورغولاییب کی، ایراندا اینسان حاقلاری مسئله‌سینده آوسترالیا دؤولتی اؤز مؤوقعیینی یئنه اورتایا قویا‌جاق.
