ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دموکراتیک تورک بیرلیگی (گادتب) باشقانی سایین اژدر تاغیزاده گونئی آذربایجانین اورمیه شهرین‌دن اولان، نوروئچده یاشایان و گادتب-نین قورولماسیندا دا امه یی اولان مشهور مدلیئر شروین خانیم نجف پورو اوغورلاری موناسیبتیله تبریک ائده‌رک، اونا گونئیلی-قوزئیلی آذربایجان حقیقت‌لرینی اؤز صنعتی ایله دونیادا تانیتدیغی اوچون اؤز میننتدارلیغینی چاتدیریب.
مکتوبون بیر حیسه‌سینده دئییلیر کی، چوخ ایستعدادلی و تانینمیش مودئلیئر شروین خانیم نجف پور تورکیه‌ده “آنتالیا فاشیون ویک-2019″ ” مودا گونلری چرچیوه‌سینده “I’m a star” کوللئکسیاسینی نوماییش ائتدیریب. مودئلیئرین صحنه‌ده چیخیشی زامانی پودیومون آرخا فونوندا ایرقچی فارس رئژیم طرفین‌دن قورودولان اورمیه گؤلونون برپاسینی طلب ائدیله‌رک، “Save lake Urmiya” سؤزلری نوماییش ائتدیریلیب، همچینین آزربایجانین بیر چوخ بؤلگه‌سی‌نین، عینی زاماندا قاراباغین ایشغال اولونموش شهرلری‌نین آدی – “I’m a star in Khojaly”, “I’m a star in Shusha”, “I’m a star in Tabriz” و سایر یاییملانیب.
مکتوبدا همچینین سایین تاغیزاده شروین خانیمین ده یرلی فعالیتی ایله باغلی اونون آتاسی گادتب-نین تشکیلات کومیته‌سی‌نین صدری سایین آتابَی نجفپورا آزربایجانین فخری اولا بیله‌جک اؤولاد بؤیوتدوگو اوچون تشکور ائدیب.
