ادتاج اتحادیه دمکراتیک ترک آذربایجان جنوبی
گادتب: تورکيه و اؤزگور سورييا اوردوسو حرکاتيني باشلادي. چوخدان گؤزله‌نيلن تورکيه اوردوسونون اولوسال حرکاتي ان سونوندا جمهورباشقاني تاييب ائردوغانين امريله باشلارکن پ ي د- پ ک ک تئررورو هدف آليندي. سيويل اينسانلارا زيان گلمه‌سين دئيه، تورکيه اوردوسونون آيلاردان اؤنجه اينجه حسابلاري سورمکده‌دير. سورييانين تئرروردان آرينماسي بو اؤلکه‌نين خالقلارينين ان بؤيوک آرزوسودور. ايستر دؤولت تئرروريزمي، ايسترسه چئشيدلي سيلاحلي تئررور قروپلارينين سون ايللرده‌کي وارليغي بو اؤلکه‌ني و دولاييسييلا بؤلگه‌ني قان چاناغينا چئويرميشدير. بؤلگه‌نين ان بؤيوک دؤولتي ساييلان تورک ايقتيدارينين عين زاماندا دئموکراسی، اينسان حاقلاري و ميلت-اؤلکه سوروملولوغو واردير. پ ي د- پ ک ک تئرروريزمي دئموکراتسی، اينسان و تورک دوشمانلري اولاراق بؤلگه‌نين اودا چکيلمه‌سيني ايسته‌يير. بو تئرروريزمين کؤکو قورودوقجا ان بؤيوک قازانجي کورد خالقي الده ائده‌جکدير. بؤلگه‌نين گرگينليگيني اؤزونون چيرکين حاکيميتينه باغلايان فاشيست فارسچي رئژيمين بوتون چابالارينا قارشين گوجلو تورک اوردوسونون “باريش پيناري” حرکاتي سورييانين دا، عراقين دا فارسچي دؤولت تئرروريزميندن آرينماسينا کسکين شرايت يارالداجاقدير.
بيز، گونئي آذربايجان دئموکراتيک تورک بيرليگي (گادتب) اولاراق تورک اوردوسونون “باريش پيناري” حرکاتيني بوتون وارليغيميزلا دستکله‌يير، تورک اوردوسونون ظفرله وطنه قاييتماسيني ديله‌ييريک. شوبهه‌سيز کي، گوجلو تورک اوردوسونون بؤلگه‌يه باريش، دئموکراتييا و اينسانجيل ياشام گتيره‌جگي گونلره آز قالميشدير.
گونئي آذربايجان دئموکراتيک تورک بيرليگي (گادتب)
