GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ABŞ uyğur türklərinin hüquqlarının pozulması ilə bağlı Çinin 9 şirkətinə sanksiya tətbiq etdi.
Çinin Tibbi Ekspertiza Müəssisəsi və 8 digər Çin şirkəti Şərqi Türküstanda uyğur türklərinə zülm və onların hüquqlarını pozması ilə bağlı sanksiya siyahısına daxil ediliblər.
Ümumilikdə isə ABŞ-ın Ticarət Nazirliyi Çinin 33 hökumət və kommersiya təşkilatını qara siyahısına daxil edib.
Nazirliyin siyahısına Çinin institutları, universitetləri və bir sıra yüksək texnologiya şirkətləri daxil olub.
Bu siyahıdakı 9 təşkilatın uyğurlara qarşı insan haqlarının pozulmasında ittiham edildiyi vurğulanıb. Yerdə qalan 24 şirkət isə ABŞ-ın xarici siyasət və milli təhlükəsizliyinə təhdid yaratmaqda ittiham edilib.
