GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim azərbaycanlı milli-mədəni fəal Məhəmməd Xakpuru Kəleybərdə yerləşən məhkəməyə çağırıb.
Çağırış vərəqəsinə əsasən Məhəmməd Xakpur iyunun 22-də rejimin Kəleybərdə yerləşən İnqilab Məhkəməsində olmalıdır.
Azərbaycanlı fəakl bundan öncə Ərdəbildə İnqilab Məhkəməsi tərəfindən çağırılmışdı. Lakin rejimin Ali Məhkəməsinin qərarı ilə “Sistem əleyhinə təbliğat aparmaq”da ittiham olunan fəalı rejimin Kəleybərdəki məhkəməsi mühakimə edəcək.
Qeyd edək ki, Məhəmməd Xakpur 2018-ci ildə iyulun 5-də Babək Qalası Qurultayı zamanı yaxalanaraq Əhər şəhərində 3 gün saxlandıqdan sonra zaminə buraxılıb. Fəal yaxalandığı müddətdə onunla birlikdə yaxalanan digər fəallar kimi təhlükəsizlik qüvvələri tərəfindən döyülərək işgəncələrə məruz qalmışdı.
Beynəlxalq Əfv Təşkilatı türk, fars və ingilis dillərində Babək Qalası Qurultayı və Savalan dağında yaxalanan azərbaycanlı fəallarla bağlı bəyanat yayaraq tutulan fəalların qeyd-şərtsiz azadlığa buraxılması və digər tutulan fəallara bəraət verilməsini tələb etmişdi. Bəyanatda həmin mərasimlərdə 120 fəalın yaxalandığı bildirilmişdir.
