GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Güney Azərbaycanda müstəmləkə siyasəti nəticəsində çoxsaylı problemlər yaşanmaqdadır. Güney Azərbaycanın Muğan bölgəsinin bir neçə kəndin suyu bir həftədən çoxdur ki kəsilib.
COVİD-19 xəstəliyinin yayılması ilə əlaqədar təhlükəli bir vəziyyətin yaranmasına baxmayaraq, Muğanın Qaraqabaq Həsənxanlı (Əbdülrza Abad) kimi bir neçə kəndində su kəsilib və bununla əhalinin sağlıq durumu üçün təhlükə yaranıb.
Kəndlərin sakinlərinin dediyinə görə, bir həftədən çoxdur ki, bölgədə bu problem yaşanır, amma “heç bir dövlət qurumunun nümayəndələri, nə bələdiyyə başçısı və nə də başqa rəsmilər” xalq qarşısında cavabdeh olduqlarını göstərmir.
Kəndlilər deyirlər ki, rəsmilər onlara kömək etməlidir. “Bu vəziyyətdə suyumuz yoxdur, sağlamlığımız da yoxdur. Uşaqlarımız suya ehtiyac duyurlar”, onlar bildirir.
Onların dediyinə görə, ən azından daha öncə gün saat 12-yə qədər biraz su gəlirdi, amma indi iki gündür ki, artıq tam şəkildə sular kəsilib.
Kəndlilər əyalət rəsmilərindən bu vəziyyətə müdaxilə etmələrini istəyirlər. “Biz Araz çayının dibində ola-ola içməkli və təmizlik üçün suyumuz yoxdur. Nə zamana qədər bu şərtlər altında yaşayacağıq?” kənd sakinləri sual edir.
Güney Azərbaycanın Mərənd, Horand və s. bölgələrində də oxşar problemlər hökm sürürü və çox sayda bölgə və kəndlər susuzluqdan əziyyət çəkir.
