ادتاج اتحادیه دمکراتیک ترک آذربایجان جنوبی
گادتب: ایگیت قهرمان اوردوموزا عشق اولسون
قهرمان اردوموز بوگون یئنی بیر تاریخ یازماقدادیر . اونلار جبهه بویو ایشغالچی ائرمنی اشقالچیلارینا قارشی ساواشماقدا، وطن نین آزادلیغی اوغروندا جانلارینی سئوه – سئوه فدا ائتمه یه حاضیردیرلر. ائرمنی تجاوزو – ایشغالی و سوی قیریملاری نتیجه سینده قاچقین و دیده رگین دوشن بیر میلیوندان چوخ وطنداشیمیزین اوز دوغما یوردلارینا قایتمالاری اوچون میللی اوردوموز ساواش میدانلاریندا اؤز وطن پرورلیکلرینی نوماییش ائتدیرمکده دیلر. میللی اوردوموز ۵۰ میلیونلوق میللتیمیزین دایاق، اینام و ایراده سینه آرخالانماقد، قورتولوش ساواشینی سوردورمکده و آذربایجانیمیزین اوچ رنگلی بایراغینی آزاد ائتدیی اراضیلرده اوجا داغلاریمیزین زیروه سینه تاخاراق دالقالاندیرماقدایر. ظفر محقق بیزیم اولاجاقدیر، قاراباغ آذربایجاندیر. قاچقین دوشموش سویداشلاریمیز اوز دوغما یوردلارینا قاییتدیقدا، قاراباغ شیکسته سینی شوشادا و خان کندینده سه سلندیره جکدیر. بو ساواش بیر سیناقدیر. بوگون میللتیمیز دوستونو ـ دوشمنینی تانیماقدادیر. غربین چیخارجی دولتلره ایله یاناشی، سوزده اوزونو ایسلام جمهورییتی آدلانیران ایرقچی -ایشغالچی تهران رئژیمی جینایتکار ، تروریست ائرمنی قاتیللری نین یانیتدا یئر آلیب ،بو قاتیلره هر جهتلی یاریم دا بولونماقدادیرلار. بو عین زاماندا گونئی آذربایجان میللتینی تحقیر ائتمکدیر. بو رئژیم و سؤزده بو رئژیمین موخالیف لری یاخالارینی نه قده ر ییرتسالار دا، حاق بیزیمله دیر . ظفر بو حق یولوندا ، وطن و میللت عشقی ایله ووروشان آذربایجانیمیزین میللی اردوموزون اولاجاقدیر.
گونئی آذربایجان ایستقلالچیلار بیرلییی، قوزئی آذربایجانلی باجی – قارداشلاریمیزا و مسئول مقاملارا بیلدیریریرکی، ساواشلا ایشغال ائدیله ن اراضیلریمیز ساواشلا آزاد ائدیله جکدیر. گونئی ده اسارتده اولان میللتیمیز، تهران رئژیمی نین بوتون باسقی (فشار) قورخو – قاداغالارینا باخمییاراق، اوز شانلی اردوموزون یانیندا دیر. گره کیرسه ساواشا قاتیلماغا حاضیر اولدوغونو بیلدیرمکده دیر . دونیا بیلمه لیدیرکی بو ساواش عین زاماندا ۵۰ میلیون آزربایجان تورکونون میللی و قورتولوش ساواشیدیر. ایرقچی- ایشغالچی فارس رئژیمی گونئی آذربایجان تورک میللتینین اعتراضلارینین بؤیومه سیندن قورخاراق، سوزده گئچیجی اولاراق سرحدینی باغلایب و سیلاح داشیماسینی انکار ائدیب و تزویرجه سینه قوزئی آزربایجانین توپراق بوتونلویونو تانیسا دا، هله ده گیزلی و آشکار ائرمنی جانیلرینه یاردیملاری سوردورمکده دیر. رئژیمین بو غیر انسانی و منافقکار عمللرینه دور دئمک اوچون میللتیمیز ساواش بویونجا دواملی اعتراض آکسیاسینا قرار وئرمیشدیر، بو اعتراضلارا قاتیلماق میللی بیر وظیفه اولماقلا بیرلیکده، هر بیر یوردداش و آزادلیق سئوه ر انسانین گوره جه یی ایشدیر. شبهه سیز بو اعتراضلاردا، وزارت ارشاد و حداد ناعادل کیمی فاشیست ذهنیت لی لرین سیاست لرینه ده لایقلی جواب وئریله جکدیر. بونو دا وورقولاماق لازیمدیرکی، ایرقچی تئروریست تهران رئژیمی نین بو چیرکین عمللری قارشیسیندا غیر فارس میللتلرین دوغرو یولدا اولدوقلارینی، یالنیز و یالنیز ایستقلالییتین تک و سون یول اولدوغونو اثباتلاماقدادیر.
یاشاسین شانلی قهرمان اردوموز !
رد اولسون ایرقچی – ایشغالچی دوشونجه و سیستملر.
گوئنی آذربایجان استقلالچیلار بیرلیگی
