GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ermənipərəst molla rejiminin məclis sədri Qalibaf Moskovada Ermənistanın II Qarabağ müharibəsində guya Azərbaycanın terrorçuları müharibəyə cəlb etdiyinə dair iddialarını yenidən səsləndirib.
Azərbaycanın öz əraziıərini azad etməsi ilə razılaşa bilməyən molla rejimi Azərbaycana qarşı hər növ yalanlar uydurmaqdan çəkinmir.
Rusiyada səfərdə olan İran parlamentinin sədri Məhəmməd Baqir Qalibaf deyib ki, İranı Rusiyanın Qarabağ münaqişəsinin sülh yolu ilə həlli səylərini alqışlayır, amma bölgədə təhdidlər yenə də qalmaqdadır.
“Bu münaqişənin davam etməsi İranın şimal sərhədlərində təhlükəsizlik problemləri yarada bilər. Rusiyanın bu müharibəni mümkün qədər tez bitirmək üçün səy göstərməsindən məmnunuq. Amma mənə elə gəlir ki, bu bölgədə yatmış təhdidlər var. Demək istədiyim budur ki, bu bölgədə terrorçu qüvvələrin varlığının qarşısını almalıyıq”, – Qalibaf bildirib.
