GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Əhər şəhərindən olan Əsgər Cəfəri 3 aylıq qızına türk adına görə şəxsiyyət vəsiqəsi ala bilmir. O İranın Vətəndaş Vəziyyətlərinin Qeydiyyat İdarəsinə muraciət etsə də
Ona anlamaq kökündən və deyilişdə “Anna” şəklində dedikləri ada şəxsiyyət vəsiqəsi verilmir.
Əsgər Cəfəri verdiyi açıqlamada bildirib ki, 3 ay müddətində dəfələrlə İranın Vətəndaş Vəziyyətlərinin Qeydiyyat İdarəsinə müraciət edib. Qızına seçdiyi adla şəxsiyyət vəsiqəsi ala bilmədiyi üçün məhkəməyə baş vurub və yenə də nəticə əldə etməyib.
O bildirib ki, problem yaranmasın və məsələ qanuni həll olunsun deyə məsələni ictimailəşdirmək istəmirdim.
Ancaq bütün qanuni yollara əl atmağıma baxmayaraq nəticə əldə edə bilmədiyim üçün məsələni ictimailəşdirməyə məcbur oldum.
Qeyd edək ki, İran rejimi Güney Azərbaycanda Azərbaycan Türk Millətini bir millət kimi məhv etmək məqsədilə onlara öz dilində övladlarına ad qoymasını qadağan edib.
