GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejiminin Təbrizdəki İkinci Cinayət Məhkəməsinin 113-cü şöbəsi azərbaycanlı milli fəal Məhəmməd İmamini 16 ay həbs, 40 şallaq zərbəsi və cərimə cəzasına məhkum edib.
Azərbaycanlı fəal rejimin göstərişi ilə rejimin polis məmuru Əmir Rüfəti Esfəngəranin şərləməsi və şikayəti əsasında mühakimə olunub.
Şərlənən azərbaycanlı fəal “Polis məmurunu qəsdən döyümə və xəsarət yetirmə” və “qeyri-adi hərəkətlər etmək və səs-küy salmaqla ictimai asayişi pozmaq, qanunsuz aksiyaya qatılmaqla vətəndaşların iş fəaliyyətlərinə, təhlükəsizliklərinə əngəl törətmək”də ittiham edilib.
Həmçinin məhkəmə fəala qarşı çıxarılan həbs cəzasının icrasının 5 il müddətinə gecikdirilməsi ilə bağlı qərar qəbul edib.
Qeyd edək ki, iyulun 24-də Məhəmməd İmami onlarla başqa azərbaycanlı fəalla eyni dövrdə Təbrizdə keçirilən etirazlarla bağlı həbs edilmişdi. Fəal bir müddət sonra 80 milyon tümən girov qarşılığında zaminə buraxılmışdı.
