GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbrizdə azərbaycanlı milli fəallar İran rejiminin həbs etdiyi azərbaycanlı siyasi məhbus Ruzbeh Pirinin posterlərini çap edərək şəhər boyu hər bir yerə və ümumi keçidlərə yapışdırıblar. Onlar bu yolla azərbaycanlı fəalın dərhal həbsdən azad edilməsini tələb ediblər.
Qeyd edək ki, irqçi fars rejimin məmurları Təbriz şəhərində yaşayan azərbaycanlı milli fəal Ruzbeh Pirini fevralın 12-də yaxalamışdılar. Rejimin təhlükəsizlik qüvvələri Ruzbeh Pirini heç bir məhkəmə qərarı olmadan atasının evinə girərək aparmışdılar.
Ruzbeh Piri Azərbaycan Türk Millətinin hüquqları uğrunda milli-mədəni fəaliyyətlərinə görə 6 il müddətinə azadlıqdan məhkum edib. Lakin daha sonra Apellyasiya Məhkəməsi fəal barəsində çıxarılan qərarı 3 il 8 aya endirib.
İran rejimi azərbaycanlı milli fəal Ruzbeh Pirini şərləyərək, onu “Sistemə qarşı təbliğat fəaliyyəti” və “Sistemə qarşı qruplarda üzvlük”də ittiham edib.
