گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتینین صدری، آوسترالیا آذربایجان آسوسیاسیاسینین پرئزیدئنتی سایین میکائیل بی اویتا شوشادا ظفر قورولتایینین کئچیریلمهسی و اؤزونون ده اورا دعوت ائدیلمهسی ایله باغلی آذربایجان پرئزیدئنتینه تشکور مکتوبو عنوانلاییب:
حؤرمتلی پرئزیدئنت، مظفر عالی باش کوماندان جناب ایلهام علیئو،
21-25 آپرئل 2022-جی ایل تاریخلرینده شوشا شهرینده کئچیریلن دونیا آذربایجانلیلارینین 5-جی قورولتایینا منی دعوت ائتدیگینیز اوچون شخصاً اؤز آدیمدان و آوسترالیا-آذربایجان آسوسیاسیاسی آدیندان سیزه درین تشکورومو بیلدیریرم.
قورولتایین شوشا شهرینده کئچیریلمهسی بوتون دونیا آزربایجانلیلاری اوچون غرور وئریجی حادثه اولدو. بو قورولتایدا آوسترالیادا یاشایان آذربایجانلیلاری، همچینین گونئی آذربایجانلیلاری تمثیل ائتمکدن شرف دویدوم. یوکسک سویهده تشکیل اولونموش مؤحتشم پروقراملار و قوناقپرورلییه گؤره سیزه ان صمیمی دویغولاریملا درین میننتدارلیغیمی بیلدیریرم. دیاسپورا کومیتهسینین رهبری حؤرمتلی فوآد مورادووا دا همچینین تشکور ائدیرم. گؤزل خاطرهلرله آیریلدیغیم مقدس شوشا شهرینه اولان بو تاریخی زیارتی هئچ زامان اونوتمایاجام. یوکسک دیپلوماتیک باجاریقلارینیز و باش کوماندانی اولدوغونوز رشادتلی اوردوموزون قهرمانلیقلاری سایهسینده ایشغالدان آزاد ائدیلیمیش گؤزل شوشامیز دونیا آذربایجانلیلارینین 5-جی قورولتایی اوچون سئچیلمیش ان ایدئال مکان ایدی. 55 میلیونلوق آزربایجانلینین تیمثالیندا، جانلارینی بو مقدس تورپاقلاریمیز اوغروندا فدا ائدن شهیدلرمیزین روحو قارشیسیندا باش ایهرک، بیر داها سیزه، قورولتایین تشکیلینده موستثنا رول آینامیش دیاسپورا کومیتهسینه و بوتون دؤولت قوروملارینا میننتدارلیغیمی بیلدیریرم.
آذربایجان دؤولتی و قهرمان اوردوموز وار اولسون!
حؤرمتله،
میکائیل اویتا
آوسترالیا آذربایجان آسوسیاسیاسینین پرئزیدئنتی
آوسترالیا، سیدنئی شهری