GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ötən həftə İstanbulda imzalanmış taxıl dəhlizi haqqında saziş çərçivəsində yaradılan Birgə Koordinasiya Mərkəzinin açılış mərasimi olub. Bu barədə Türkiyə KİV-ləri məlumat yayıb.
Birgə mərkəz İstanbuldakı Milli Müdafiə Universitetində fəaliyyət göstərəcək. Mərkəzin işində Türkiyə, Rusiya və Ukrayna təmsilçiləri ilə yanaşı, BMT nümayəndələri də yer alacaq.
Koordinasiya mərkəzinin açılışında iştirak edən Türkiyənin milli müdafiə naziri Hulusi Akar bildirib ki, taxıl dəhlizi vasitəsilə Ukrayna limanlarında qalmış 25 milyon tondan çox taxılın təhlükəsiz daşınmasına imkan yaranacaq.
Xatırladaq ki, ötən həftə İstanbulda Türkiyə, Rusiya, Ukrayna və BMT arasında taxıl dəhlizinə dair saziş imzalanıb.
