ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسیاسینین پرئزیدئنتی، گونئی آذربایجان دئموکراتیک تورک بیرلیگی‌نین (گادتب) بئین الخالق علاقه‌لر دئپارتامئنتی‌نین صدری سایین میکائیل بی اویتا ائرمنیستانین دونیادا داغیدیجی سیاست یئریتمه‌سی، بیرلشمیش میللتلر تشکیلاتینین ایراندا اینسان حاق‌لارینین پوزولماسی ایله باغلی قطعنامه‌سی‌نین علئیهینه سس وئرمه‌سی، عمومیتله جینایتکار دؤولت‌لر اولان ایران و روسیانی بئین الخالق سویه‌ده دستکله مه‌سی و آذربایجانا قارشی ایشغالچی‌لیق سیاستینه داوام ائتمه‌سی باره‌ده آوسترالیا رسمی‌لرینه مکتوبلا مراجعت ائدیب.
سایین میکاییل اویتا آوسترالیانین خاریجی ایشلر ناظری پئننی وونگ و آوسترالیادا مخالیفتین لیدئری سئناتور سیمون بیرمینگهاما آیری-آیریلیقدا یازدیغی مکتوبدا ائرمنیستانین بئین الخالق سویه‌ده یئریتدیگی سیاستین آوسترالیانین میللی ماراقلارینا ضد اولدوغو وورغولانیب، بو ایشغالچی اؤلکه‌نین ایران و روسیا کیمی جینایتکار اؤلکه‌لرین یانیندا یئر آلیب، اونلاری دستکله مه‌سی و آذربایجانا قارشی تخریبات و ایشغالچی‌لیق سیاستینه داوام ائتمه‌سی خاطیرلانیب.
سایین میکائیل بیین مکتوبلارینین تام متنینی اینگیلیس دیلینده آشاغیدا اوخویا بیلرسینیز:
