GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyədə yaşayan azərbaycanlı milli fəal Əli Həmzəzadə Türkiyənin zəlzələ bölgəsindən reportaj hazırlayayıb.
Azərbaycanlı fəal Zəlzələdən zərər çəkən Kahraman Maraş şəhərindən yardım üçün çağırış edib.
Əli Həmzəzadə deyib ki, bu gün Türkiyənin yanında olmaq bizim milli və insanlıq borcumuzdur.
Azərbaycanlı fəal özü də daxil olmaqla Türkiyədə olan bir sıra güneylilərin yardım kampaniyasına qoşulduqlarını deyib və güney azərbayacanlıların bu məsələdə daha çox fədakarlıq etmələrinin vacibliyini bildirib.
Qeyd edək ki, Əli Həmzəzadə bir il öncə velosiped yürüşü ilə Urmiya gölünün qurudulması və yaranacaq ekoloji fəlakətə diqqət yönəltmək istəmişdir.
Həmçinin azərbaycanlı öyrənci bundan öncə də belə simvolik təşəbbüslə Güney Azərbaycanda ana dili və mədəni hüquqlar diqqət çəkmək üçün başlatdığı velosiped yürüşü keçirmişdir.
Əli Həmzəzadə keçən il 21 iyul tarixində “özgürlük yolçusu” adı altında Antalyadan Qarabağa doğru velosipedlə yürüşı başlamışdı.
Güney Azərbaycanın Əhər şəhərindən olan azərbaycanlı gənc velosipedçi, yürüş boyu Azərbaycanın, Türkiyənin və Güney Azərbaycanın Traxtur komandasının bayraqlarını daşıyırdı.
