ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقهلر دئپارتامئنتینین صدری سایین میکاییل بی اویتا ائرمنیلرین آذربایجان اراضیلرینده باسدیردیغی مینالارین یاراتدیغی تهلوکه ایله باغلی آوسترالییانین خاریجی ایشلر ناظری پئننی وونگا مکتوبلا مراجعت ائدیب.
سایین میکاییل بی گؤندردیی مکتوبدا ایولون ۱۳-ده آذربایجانین کلبه جر رایونونون چوپورلو کندینده آریچیلیقلا مشغول اولان علیئو صاحب عیسی اوغلونون مینایا دوشمهسی ایله نتیجهله نن داها بیر فاجعهلی مینا حادثهسینه توخونوب و یازیب کی، ائرمنیستانین آذربایجانا قارشی مینا تئررورو حربچیلرین و مولکی شخصلرین هلاک اولماسی و یا یارالانماسی ایله نتیجهله نیر، هم ده کئچمیش مجبوری کؤچکونلرین اؤز دوغما یوردلارینا قایتاریلماسی پروسئسینی لنگیدیر، صاحیبکارلیق سوبیئکتلرینین فعالیتینه مانعهلر یارادیر و رایوندا آپاریلان برپا ایشلرینه مانعه یارادیر.
میکاییل بی همچینین یازیب: آذربایجانین ایشغالدان آزاد ائدیلمیش اراضیلرینده مینالارین قویولماسی و مینالانمیش اراضیلرین دقیق خریتهلرینین اولماماسی ائرمنیستانین بئین الخالق و هومانیتار حقوقون نورما و پرینسیپلرینه حؤرمتسیزلیگینین آچیق نوماییشیدیر.
دیاسپور تشکیلاتلاری اولاراق موافیق بئین الخالق تشکیلاتلاری ائرمنیستانین مینا تئررورونون قارشیسینی آلماق اوچون قطعی آددیملار آتماغا، دقیق مینا خریطهلرینین آذربایجانا تحویل وئریلمهسینه و بو اؤلومجول جیهازلارین تمیزلنمهسینده آذربایجانلا امکداشلیغا چاغیریریق. بونونلا بیز گوناهسیز اینسانلارین حیاتینی قورویا، مجبوری کؤچکونلرین تهلوکهسیز قاییتماسینا و مسکونلاشماسینا کؤمک ائده، رئگیونون برپاسی و اینکیشافینین مانعهسیز ایره لیله ییشینی تامین ائده بیلریک…
سایین میکاییل بی اویتانین مکتوبونون تام متنینی اینگیلیسجه بورادان اوخویا بیلرسینیز:
