GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türk məşqçi Sağlam Traxtur komandası barədə deyib ki, bu komanda xüsusi komandadır. Təbrizin 2 milyon əhalisi var, İran adlanan ölkədə isə 35 milyondan çox türk yaşayır. Bütün bunlar Traxtur üçün böyük potensialdır.
Sağlam bildirib ki, Traxturun tərəfdarları düzgün korpusa çevrilərsə, bu komanda “Beşiktaş”, “Fənərbaxça” və “Qalatasaray” kimi klubların sırasına keçə bilər:
“Belə bir komandaya baş məşqçilik etməyimlə fəxr edirəm. Bu komanda qonşu ölkələrdə də sevilir. Komanda tərəfdarları elə bir vəziyyət yaradıb ki, hətta Türkiyənin böyük komandalarının da belə bir şəraiti yoxdur. Lakin klubun tərəfdarları yenidən bir araya gələrək mövcud problemləri həll etməlidirlər”.
Qeyd edək ki, 4 aydır Traxtur komandasına baş məşqçilik edən Ə.Sağlamın klubla müqaviləsinin müddəti başa çatıb. Traxtur tərəfdarları türkiyəli mütəxəssisin komandaya baş məşqçiliyə davam etməsini tələb edirlər.
