ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکاییل بی اویتا و گونئی آذربایجان دئموکراتیک تورک بیرلیگینین (گادتب) قادین و اینسان حاقلاری دئپارتامئنتینین صدری سارا خانیم آذرسون ایشتیراکی، آوسترالییا آذربایجان آسوسیاسییاسی و بیر نئچه تورک آسوسیاسییاسینین تشکیلاتچیلیغی و آوسترالییا دولتینین حمایهسی ایله سیدنئیده تورکیه جمهوریتینین ۱۰۰ ایللیگی موناسیبتیله محتشم فئستیوال کئچیریلیب.
آوسترالییا آذربایجان آسوسیاسییاسی آیریجا چادیر و ایستئند، ائله جه ده تورکیه و آذربایجان بایراقلاری ایله فئستیوالدا ایشتیراک ائدیب.
اوکتیابرین ۲۹-دا آوسترالییانین یئنی گونئی اوئلز (NSW) ایالتینده کئچیریلن محتشم فئستیوالا ۷ آی حاضرلیق گؤرولوب و بؤیوک پارکدا کئچیریلدیگی اوچون بیر نئچه مین نفر قاتیلا بیلیب.
فئستیوالا آوسترالییانین یئنی گونئی اوئلز (NSW) ایالتینین رسمیلری، او جملهدن مولتیکولتورال ناظیرلیگینین تمثیلچیسی، همین ایالتین میللت وکیللری، بلدییه باشقانی، تورکیهنین بؤیوک ائلچیسی سایین اوفوک گزر، تورکیهنین همین ایالتده باش کونسولو علی سئویم، آذربایجانین آوسترالییادا تمثیلچیسی دؤکتور واقیف جعفروو و سایر رسمیلر قاتیلمیشلار.
تدبیردن شکیللری تقدیم ائدیریک:
